Eftirfarandi texta er að finna í "Íslensku kynlífsbókinni" eftir Óttar Guðmundsson lækni: Maður á Suðurnesjum, Tómas Pálsson, var dæmdur árið 1590 fyrir að hafa lánað konu sína einum kunningja sinna, Þorgeiri leikara. Tómasi voru dæmd 12 vandarhögg og mark með heitu járni á enni milli augna fyrir konulánið. Auk þess var hann ákærður fyrir að hafa lagst við brjóst konu sinnar og sogið það ásamt barni þeirra. Menn vissu ekki hvernig dæma skyldi í slíku máli en ákveðið var að vísa því til alþingisdóms ef sannað yrði með vitnun að hann hefði lagst við brjóstið.