Sá þessat myndir á beljunni, ein af Hjalta og svo er hin myndin bara frekar súr.

Ég hef lifað í blekkingu, ég hélt ávalt að ég væri svona 167 cm á hæð, kanski 168 á góðum degi, en NEI ég er 164,5 cm. Ég er ekki sátt, markmiðið var að verða 172 , ég fjarlægist því bara.

Mæli með að fólk lesi þessa grein og auðvitað dæmi sjálf um innihald hennar :) Og einnig mæli ég með að fólk kíkji á síðuna hans Dags og skoði commentin við síðustu færslu þ.e. fyrir fimmtudaginn 25 nóv.

Orð gærdagsins: Hver á græna gubbið þarna, þetta sagði Ellý um piparkökuhúsið sem Rut og vinkonur hennar gerðu.

Ha ha ég veit hvert við förum í úskriftarferð, ekki þú!! Ég get samt sagt ykkur að eitt af þeim löndum sem kosið var um vann. En já, þannig var nú það. Ég samt frekar sátt með úrslitinn. Já og ég held að Haukur sé svoldið pirraður út í mig, var e-ð að setja út á það sem hann skrifaði um Mexícó, það var alls ekki illa meint. En þar sem hann les ekki bloggið mitt þá veit hann það ekki :) Ég er farin að læra diffrun.

Sæl að sinni,

mæli með klassískri tónlist í dag t.d. píanóleikarinn Liene Circene (kvk)
orð dagsins á Villi, "já en strákarnir eru alltaf að pota í mig"

Ég hata snjó, honum fylgir slabb og þannig viðbjóður. Ég ætla að flytja út eftir stúdentstpróf, hvert gæti ferðinni verið heitið?? Ja, það er spurning, ég held að ítalía sé málið eða kanski að maður fari bara til Arizona, stendur alltaf fyrir sínu :) umm já vá hvað mig langar þangar núna. En maður fær víst ekki alltaf það sem maður vill, onei.

Orð dagsins á eiga margir, en þau eru hér, mæli með að fólk taki þátt í umræðunni

Mæli einnig með söngkonunni Bebel Gilberto sem er frá portúgal

Geðveigt fokking 85 ball, bara alveg ctrasy. 'eg, Anna og Hjalti einu úr bekknum sem mættu. Við erum best. Geggjaður stemmari. Þriðja skiptið, var a' koma heima af því núna. Ég er sammt afar þakkl+at fyoir að vera í mR. Þetta lykklaborð, allt sömu stafirnir. Takk í bili og góða nótt, mæti hress á morgu kl: 8:10.
Bæjó
Villi(langó) á orð dagsinis ætla ekki að hafa þau eftiur honum

Hvaða asnagangur er þetta að hafa halldór ásgrímsson sem ræðumann á Ísland-Palestínu fundinum í Borgarleikhúsinu í kvöld. Svo gekk maðurinn bara út eftir ræðuna sína sem var fyrsta ræðan, hann átti alls ekki heima þarna og ég veit ekki hvaða kjálaskapur þetta er að láta hann tjá sig e-ð þarna. En ræða ögmundar var mjög flott og þakka ég honum fyrir góða ræðu.

Orð dagsins eru frá KK: ,, Eftir ræðu Ögmundar ætla að ég að segja mig úr Samfykingunnig og ganga í Vinstri græna"
Já þetta eru ansi góð orð !!!

Stórfínt bekkjarpartí í gær. Allir hressir. Svo var haldið í bæinn eftir á Prikið og Kaffibarinn urðu fyrir valinu. Já og Rúnar er komin með bling, hehe.
Fínt kveld

Hlustum á Múm, green gras of tunnel

Jæja, góða fólk. Það hefur mikið gerst á undanförnum dögum, bandaríkjamenn sýndu vel að helmingur þeirra er veruleikafyrrt fáfrótt fólk sem sér ekkert nema sjált sig og k-mart búðina við hliðina á sér sem selur börnum skotvopn. Æ, er hægt að segja e-ð meira um þetta?
Já svo eru það auðvitað stjórnmálin hérna heima!! Þriðji borgarstjórinn á þessu kjörtímabili, þetta á eftir að verða R-lisanum að falli. Svo að hún Steinunn Valdís, blessunin, hafi tekið við, æ hvað er eiginlega í gangi hjá þessu liði. Ég segi að Ármann Jakobsson verið borgarstjóri, tel að hann myndi sóma sér einkar vel í því starfi :)

Tilvitnun dagsins: Stolnar kökur eru vondar kökur
Hlustum á: Arlo Guthrie, Alice´s restaurant

Já og Blandmenn eru bara að missa sig á þessari útlandaferð, það er eins og þeir séu að fara í fyrsta skipti í flugvél. Ætli þeir búist ekki við að á flugvellinum taki við þeim elítan á Englandi og að stelpur eigi eftir að koma í hrönnum bara til að sjá þá ;)

Ég er fullorðin afþví að ég borðaði átrúnaðargoðið mitt! Þetta er boðskapur fermingarinnar

Indislegur endir á stressandi og frekar erfiðum degi er að laga til í herberginu sínu og hlusta á Tom Waits. Ummm, þetta er svo róandi og þægilegt. Og svo lærir maður miklu betur í hreinu herbergi. Þessi vika er samt búin að vera alveg ágæt þrátt fyrir fullt af prófum og að skipileggja ferð til útlanda fyrir 160 manns.

Hildur Þóra (ég skírði mig sjálf)

Hlustum á Tom Waits , bara hvað sem er með honum

Ég sá þetta á síðunni hans Dags og hann sá þetta hjá einhverjum vini sínum, ég er þeim hjartanlega sammála og hér kemur hvað á þeirri síðu stóð:

Um daginn fóru íslenskir friðargæsluliðar að kaupa teppi á troðinni götu í Kabúl og dvöldu þar heillengi þrátt fyrir að viðvaranir hefðu verið gefnar út til herklæddra manna um að forðast þessa ákveðnu götu eins og heitan eldinn vegna hættu á árásum. Hégómagirni, hroki og bjánaskapur urðu skynseminni yfirsterkari með þeim afleiðingum að 11 ára afgönsk stúlka og ung bandarísk kona drápust í sprengjuárás sem gerð var á herklædda túristana meðan þeir biðu eftir yfirmanni sínum fyrir utan teppabúð.

Mbl.is segir í frétt um heimkomu þeirra (29. okt. 2004):

"Þremenningarnir voru íklæddir bolum þar sem á stóð Chicken Street - shit happens en árásin á þá var gerð á götu í Kabúl sem nefnist Chicken Street eða Kjúklingastræti. Sögðu þeir aðspurðir að í því fælist ekki gagnrýni á yfirmann þeirra en fram hefur komið að hann var staddur inni í verslun í götunni þegar árásin var gerð. Þetta væri aðeins svartur húmor og bolina hefðu félagar þeirra á Kabúl-flugvelli fært þeim að gjöf. Sögðu þeir að þeim hefði ekki verið stefnt í hættu í borginni vegna mistaka eða kæruleysis."

Vissulega ansi svartur húmor hjá hinum miklu hetjum. Tvær manneskjur liggja í valnum eftir að þeir ákváðu að hundsa viðvaranir og fara í verslunarferð eins og sönnum Íslendingum sæmir. Auðvitað ber tilræðismaðurinn höfuðábyrgð á dauða stúlknanna, en árásin var gerð á "friðargæsluliðana" og hefði ekki orðið án þeirra nærveru. Einhver önnur árás kannski, en ekki þessi. Stúlkurnar tvær sem létu lífið þarna væru á lífi í dag ef hetjurnar hefðu gert eins og þeim var bæði ráðlagt og skipað, og haldið sig frá kjúklingastræti. Hermönnunum var svo vissulega stefnt í hættu vegna mistaka og kæruleysis enda er það oft talið hættulegt að standa nálægt handsprengju þegar hún springur. Kæruleysið og mistökin þarf ekki að útskýra frekar.

Nú vil ég leggja til, og biðja um að allir sem eru jafn hneykslaðir á framferði "friðargæsluliðanna" okkar og ég er, sendi þeim blóm. Best er að senda þau í utanríkisráðuneytið en heimilisfangið er eftirfarandi:

Utanríkisráðuneytið
c/o íslenska friðargæslan
Rauðarársstíg 25
105 Reyjavík.
E-mail: postur@utn.stjr.is

með blómunum/blóminu ætti að fylgja kort. Kortið ætti að hljóða svo:

"Með þessum blómum vil ég minnast stúlknanna tveggja sem létu lífið vegna hroka og hégómleika íslensku friðargæsluliðanna í Kabúl nýlega. Megi þær hvíla í friði.

(undirritað með nafni)"

Ég vil biðja þá bloggara sem lesa þetta og eru sammála mér um þetta að birta þessa hugmynd í einhverju formi á sinni síðu og láta kortið fylgja. Takk fyrir.